Градоначалникот на Желино преку социјалните мрежи објави дека утринава во реката Вардар е најдено телото на Ердон Рамадани, 22 годишното момче кое на 27 септември излета од автопатот Тетово-Скопје. Младиот Ердон со возило фолксфаген голф излета од коловозната лента на автопатот кај мостот што поминува над реката Вардар во близина на Желино.
-Најден е младиот кумановец, во реката Вардар. Благодарност до сите спасувачки екипи кои придонесоа во текот на сите овие денови. Длабоко сочувство до семејството, порача Блерим Сејдуи, градоначалникот на Желино, преку социјалната мрежа Фејсбук.
Од тетовската полиција потврдија дека е најдено тело во реката Вардар но се уште не е извршена официјалната идентификација. Полицајци од СВР Тетово ги нашле телото.
-Во 10.40 пронајдено безживотно тело на машко лице во непосредна близина на касарната Еребино, до вториот бетонски мост. Телото наскоро треба да се извлече од водите и да се изврши официјална идентификација. Повикан е лекар од Судска медицина и јавн обвинител, информира Марјан Јосифоски, портпарол на СВР Тетово.
Изминативе денови претставници на повеќе институции учествуваа во потрагата по младиот кумановец, а беа вклучени нуркачи и кучиња трагачи.
ас
