Претседателот на комисијата за спорт при СДСМ Наумче Мојсовски се приклучи на кампањата за вонредните избори за Совет на Тетово.
-СДСМ во изминативе четири години овде во Тетово преку Владата и институциите што ги предводи инвестиравме во бројни капитални проекти во разни сектори.
Исклучок од тоа не е ниту спортот.
Овде во Тетово изграден е првиот од вкупно 14те пливачки базени низ државата, кој веќе од следниот месец ќе почне со работа.
Базенот е наменет за учениците од тетовските училишта, но ќе може да се користи и во комерцијални цели.
Преку ваучер системот само за машките и женските фудбалски клубови овде во Тетово, издвоени се над 23 милиони денари.
И нема да застанеме тука, следува изградба на нов мини спортски комплекс помеѓу новоизградениот базен и постојното фудбалско игралиште.
Во кругот на спортскиот центар, ќе се изгради и терен за мал фудбал, терен за тенис како и урбана опрема и простор за забава за најмладите, детска патека за ролери и велосипеди.
Важно е Тетово да продолжи да се развива и модернизира, а гаранција за тоа е СДСМ. Затоа, ве повикувам на 20 август да гласате за советничката листа на СДСМ и коалицијата.
Да гласаме за број 1 да гласаме за европско Тетово, порача Мојсовски.
