Вчера (18 септември) од 10 до 15 часот на поширокото тетовско подрачје спроведена е акциска контрола на возачите и нивниот однос кон пешаците. При контролата, откриен и санкциониран бил 21 прекршок, односно исто толку возачи не им дале предност и не ги пропуштиле пешаците, најмногу на обележани пешачки премини.
На сите возачи-прекршители изготвени им се поднесоци со парична глоба која за овој вид прекршок, согласно Законот за безбедност на сообраќајот на патиштата, се движи од 200 до 250 евра во денарска противвредност, а за тие со изречена глоба од 250 евра, предвидена е и заштитна мерка-времено одземање на возачките дозволи од три месеци до една година. Покрај ова, санкционирани се и 12 други видови сообраќајни прекршоци.
Секторот за внатрешни работи Тетово со апел до возачите секогаш да внимаваат на пешаците и да ги пропуштаат, а до пешаците да не ги преминуваат улиците каде ќе стигнат, туку исклучиво на обележани премини и редовно да се придржуваат на светлосната сигнализација на крстосниците.
