Во рамките на планираните активности за поголема сообраќајна безбедност на патиштата и улиците денеска (23 август) од 8 до 12 часот на подрачјето на СВР Тетово беше спроведена засилена контрола на брзината со која се движат возилата, во која вкупно биле откриени и санкционирани вкупно 32 прекршоци, информира СВР Тетово.
Дваесет и пет возачи (ТЕ-12 и ГВ-13) ја пречекориле максимално дозволената брзина надвор од населено место, а 7 (ТЕ) во населено место.
-Со оглед на тоа што и во последнава декада од месецот на патиштата во овој регион сеуште е присутна зголемена сообраќајна фрекфренција, СВР Тетово уште еднаш ги потсетува и им советува на возачите да ја прилагодат брзината според условите на патот и докрај да ги почитуваат постоечките ограничувања, посебно на автопатот Гостивар-Тетово-Скопје и на тетовските и гостиварските улици.Ова, дотолку повеќе што и деновиве неприлагодената брзина е најчестата причина за случување сообраќајни несреќи и посебно за оние со најтешки последици.Се апелира, исто така, возачите да не престигнуваат на недозволени места и да држат прописно растојание кога се движат во колона, но и воопшто, порача портпаролот Марјан Јосифоски.
На сите возачи изготвени им се соодветни поднесоци и тие ќе се соочат со предвидените парични глоби.
