Полициски службеници на СВР Тетово денеска (4 ноември) од 8 до 14 часот спровеле засилена акциска контрола на брзината со која се движат возилата, а во која биле откриени и санкционирани вкупно 37 возила, односно возачи (ТЕ-23 и ГВ-14) кои ја пречекориле максимално дозволената брзина надвор од населено место.
Четиринаест од нив (ТЕ-8 и ГВ-6) ја пречекориле брзината за 50 до 70 километри на час.Покрај ова, во рамките на денешната акциска контрола, биле санкционирани и 32 возачи (ТЕ-24 и ГВ-8), кои возеле побрзо од дозволената брзина во населено место, најмногу за 30 до 50 километри на час.На сите прекршители изготвени им соодветни поднесоци и тие ќе се соочат со законски предвидените парични глоби, кои се движат од 45 до 400 евра во денарска противвредност.На оние кои пречекориле повеќе, времено ќе им бидат одземени нивните возачки дозволи од три месеци до една година.
Санкционирани, исто така, се и 3 други видови сообраќајни прекршоци (ТЕ-2 и ГВ-1).
Секторот за внатрешни работи Тетово уште еднаш со апел до возачите да ја прилагодат брзината според условите на патот и непотребно да не брзаат. Ова, посебно кога се коловозите влажни и лизгави, но и воопшто.Поради можност од појава на одрони од камења им се советува и максимална внимателност на оние кои патуваат по долината на Радика и кон Стража.