На поширокото тетовско-гостиварско подрачје вчера (26 март) од 8 до 20 часот спроведена е акциска контрола за брзина со која се движат возилата, во која вкупно биле изречени 148 мерки од кои во Тетовски 99 и Гостиварско 49.
При контролата биле откриени и санкционирани 74 возачи (ТЕ-40 и ГВ-34) кои ја пречекориле максимално дозволената брзина надвор од населено место, од кои 4 (ТЕ) за повеќе од 70 километри на час, а 20 возачи (ТЕ-9 и ГВ-11) до 70 километри на час.
Покрај ова, со соодветни поднесоци биле заокружени и 74 возачи (ТЕ-59 и ГВ-15) кои ја пречекориле пропишаната брзина во населено место, а санкционирани биле 21 друг вид сообраќајни прекршоци (ТЕ-10 и ГВ-11).
Секторот за внатрешни работи Тетово повторно со апел и укажување до возачите да не брзаат непотребно и да ја прилагодат брзината според условите за патот, зашто и годинава најчеста причина за случените несреќи досега е пребрзото возење. Посебно се апелира да не се брза по автопатот Гостивар-Тетово-Скопје, каде и најчесто се пречекорува максималната брзина.
