Затвореникот кој рани полицаец при превоз кон болница е осуденик од Тетово објавија националните медиуми.
МВР соопшти дека на 12.01.2023 г. во 23.20 ч. четворица вработени во Затворска полиција кои биле со комбе „форд транзит“ на Затворската полиција побарале помош од полициски службеници на СВР Скопје, откако, според нивната пријава, додека вршеле спровод на осуденик Б.М. , од КПУ Идризово кон Ургентен центар „Мајка Тереза“, на автопатот, осуденикот му го одзел пиштолот на возачот И.Х. (вработен во Затворска полиција), пукал и го ранил И.Х..
Потоа осуденикот избегал со патничко возило „ауди“. Повредениот вработен во Затворската полиција е пренесен во Ургентен центар за укажување лекарска помош. Се преземаат мерки за расчистување на случајот“, соопшти МВР.
Во 2018 година веќе осудениот Беким.М. тогаш на 30 години според информација на МВР учествувал во пресметка во Мала Речица по што пукал со огнено оружје и убил 37 годишник од истото место, а двајца други на 34 и 39 години биле ранети.
