Општина Тетово организираше јавна дебата по повод презентација на физибилити студија за воспоставување на јавно-приватно парнерство за модернизација на јавното осветлување низ градските улици. Физибилити студијата е направена со одлука на Советот на Општината, а денеска консултантската куќа ја претстави пред присутните на дебатата.
-Во услови на енергетска криза и значајно зголемување на цената на струјата, темата за улично осветлување е уште поалармантана за решавање. Студијата предлага три варијанти за модеренизација на уличното осветлување, а меѓу придобивките се можноста на Општина Тетово да ги мониторира и управува трошоците за електрична енергија, управување со залихи, можност за воспоставување на паметен систем за управување со цел заштеди на општината, намалено време и трошоци за одржување, намалување на емисијата на јагледорд диоксид, истакна консултантот Светлана Петровска.
Според студијата првата варијанта за модернизација е најскапа и предвидува 4,5 милиони евра, но и најсеопфатна-подразбира подземени водови, системи за мониторинг, управување и контрола, работа на повикувачки центар и други елементи.
Градоначалникот Биљал Касами образложи дека потребата да се најде приватен партнер за подобрување на мрежата на улично осветлување е комплицираната состојба на општината пред се поради долговите и блокираните сметки.
-Се обидуваме да интервенираме, но поради таа неможност на општината, ние се наоѓаме во комплицирана ситуација. Ние можеме да направиме јавна набавка, каде се јавуваат приватни оператори, но кога доаѓа до реализација не ги реализираат во целост, затоа што ние не сме во можност да им платиме поради тоа што сме блокирани. Затоа доцниме. Затоа одиме со концептот на јавно приватно партнерство, каде што и одржувањето на јавното осветлување ќе биде обврска на приватен партнер, истакна Касами.
Општина Тетово иако донесе одлука на Совет, не може да формира трговско друштво за да стопанисува со електрична енергија. Сега постапката е пред административен суд.
ас