Секторот за внатрешни работи Тетово продолжува со континуираните контролни активности за поголем ред и безбедност на патиштата и улиците во Полошкиот регион.
Вчера (12 април) од 11 до 17 часот на тетовско-гостиварското подрачје спроведена е уште една акциска контрола, во која вкупно откриени и санкционирани биле 3 возила (ТЕ-1 и ГВ-2) кои имале неисправни сопирачки и 2 возила (ТЕ) со истечена регистрација.
Технички неисправните возила веднаш се исклучени од сообраќај и на нивните возачи изготвени им се предвидените поднесоци. Покрај ова, биле санкционирани и 3 возачи (ТЕ) кои управувале без положен возачки испит и валидна дозвола, 7 возила (ТЕ) со неатестирани фолии и 16 (ТЕ) непрописно, односно погрешно паркирани возила, кои набргу и биле подигнати од тетовската „пајак-служба“. Со соодветни поднесоци заокружени се и 4 (ГВ) други видови прекршоци.
Во пресрет на претстојните празници СВР Тетово уште еднаш со апел до возачите навреме пред да тргнат на пат да ја проверат исправноста на возилата кои ги управуваат, да ја прилагодат брзината според условите на патот и да се воздржат од консумирање на алкохол додека возат, а им се советува, исто така, задолжително да ги користат сигурносните појаси и да избегнуваат користење на мобилни телефони. Ова, дотолку повеќе што наредните празнични денови на патиштата на ова подрачје и пред се на оние кои водат кон Охрид , Маврово и Попова Шапка се очекува зголемена фрекфренција на возила.
