Полициски службеници на СВР Тетово вчера (20 март) спровеле уште една од серијата контролни активности за поголем ред и безбедност на патиштата во поширокиот Полошки регион. При контролата биле откриени и санкционирани 6 технички неисправни возила (ТЕ-2 и ГВ-4), од кои 3 (ГВ) имале неисправни сопирачки, 1 (ТЕ) неисправни пневматици, и 1 (ТЕ) и 1 (ГВ) неисправни други системи и опрема. На возачите на технички неисправните возила изготвени им се поднесоци и веднаш се исклучени од сообраќај.
Покрај ова, со законски предвидените поднесоци биле заокружени и 4 возачи (ТЕ) кои ги управувале возилата без положен возачки испит и валидна дозвола за тоа, 3 возачи (ТЕ) со важечка забрана за управување и 8 други видови сообраќајни прекршоци (ТЕ-4 и ГВ-4).
Секторот за внатрешни работи Тетово повторно со апел до возачите навреме да ја проверат техничката исправност на нивните возила (патнички, товарни и други) и посебно уредите за сопирање и управување. Им се укажува, исто така, да не седнуваат зад волан без возачка дозвола и да ја почитуваат важечката забрана за управување. Зашто, во спротивно не само што самите се изложуваат на ризик по нивната безбедност, туку и ќе се соочат со законски импликации.
