Планинарските клубови Јелак и Тетекс од Тетово за утре, недела 28 август го планират заедничкото организирање летно искачување до највисокиот шарпланиски Титов врв. Тргнувањето започнува во 7 часот од пред платото на хотелот Попова Шапка на Попова Шапка.
-Искачувањето организарано од страна на ПК Тетекс и ПК Јелак ќе се одвива исклучиво по Вакуфската патека за што двата клуба обезбедуваат водичи и техничка поддршка за време на акцијата. Патеката е со средна тежина а имајќи го во предвид дождливото лето, се препорачува сите учесници да имаат обувки соодветно на влажните и лизгави услови, односно обувки со потврд ѓон и подлабоки крампони. За сите рекреативци и поченици кои имаат помалку искуство се препорачуваат планинарски чизми како би се избегнале повреди на стапалото и зглобовите на нозете, како и соодветна компресиона заштита на послабите делови од нозете, стегачи за колена/глуждови, имајќи ја во предвид и должината на патеката, соопштија организаторите.
Патеката е со должина од околу 12км за што се потребни околу 4,5 часа за да се искачи.
ас
