Денеска во дворот на црквата Вознесение Христово-Свети Спас во планинското село Јелошник почна да се гради камбанарија. Станува збор за објект кој треба да биде со широчина и должина од по три метри и височина од шест метри, каде треба да се постави црковно ѕвоно и крст.
– Изградбата на камбанаријата како и претходно на црквата е почнува да се прави со средства на ктиторот Блашко Србиновски и другите верниците. Осветувањето се изврши со благослов на тетовско гостиварскиот митрополит господин Јосиф, а го изврши отец Илија Сламков. Камбанаријата треба да биде висока шест метри и на крстот да бидат поставени лед диоди со што во вечерни часови ќе може да се гледа од низинските села во Поселие, информираше Марјан Мицевски, член на црковниот одбор.
Од одборот ги повкуваат верниците да учествуваат со донации за доградба на камбанаријата. Црквата посветена на Вознесение Христово изградена по соновидение на Блашко Србиновски, кој потекнува од Јелошник. Овој православен храм почнал да се гради во 2000 година но поради конфликтот од 2001 градењето било запрено на неколку години.Конечно е изградена во 2018 година и осветена на 23 септември истата година.
Јелошник е село во општина Теарце, а се наоѓа на надморска висина од 890 метри надморска височина.
Средствата може да се уплаќаат на сметка во Комерцијална банка АД Скопје
со назив МПЦ-ОА Скопје, Тетовско-гостиварска епархија Тетово
МЛ број 300000003758883
со цел на дознака За црква Свети Спас, с. Јелошник.
Контакт Миле Димовски 072-274-140
