Градоначалникот на Тетово Биљал Касами со објава преку социјалните мрежи информираше дека почна реконструкција на улицата од Саат Џамија до Горна Чаршија. Во објавата не е наведено но станува збор за улицата која го носи името на Кузман Јосифовскки-Питу (народен херој на Југославија, учесник во НОВ, а по него е именувана и касарната во Тетово)
– Добрите нешта полека, но сигурно доаѓаат. Започна реконструкцијата на една од најважните улици во нашиот град. Уништена со години, улицата од „Саат џамија“ до „Горна Чаршија“ наскоро ќе добие нов лик исполнувајќи ги сите потребни критериуми и стандарди, стои на објавата на профилот на Фејсбук на Касами.
Понатаму во текстот Касами вели дека поголемиот дел од улиците во нашиот град се уништени.
-Но желбата и волјата за работа е голема, затоа се заложив дека секоја улица и сокак во Тетово, но и во селата, ќе добие модерен лик за подобри услови за живот. Го трансформираме градот на друго ниво, уредени и проодни патишта без пречки. Никогаш не е доволно. Наскоро со уште подобри вести, вели Касами.
Во саботата почна асфалтирање на продолжението на булеварот „Благоја Тоска“.
ас
