Од утре започнува првата од двете фази на оценување на пристигнатите примероци мед на четвртиот по ред натпревар за квалитет на мед „Тетово награди за мед“ (Tetovo Honey awards) во организација на Здруженијата „Полошки мед“ и „Градот на пчелите“.
Утре ќе се прави органолептичка анализа на пристигнатите примероци мед од страна на стручни судии, по што кон крајот не месецот или во октомври во рамки на втората фаза ќе има и лабораториска анализа на медот.
-Утре од 11 часот на Факултетот за прехранбена технологија, при Државен Универзитетот во Тетово, меѓународни експерти од повеќе земји ќе ги анализираат и тестираат примероците на мед испратени од 260 пчелари од 21 различна земја ширум светот, информира Владимир Петровски од Здружението „Полошки мед“.
Натпреварот за квалитет за мед ќе заврши со манифестацијата за доделување на наградите наречена „Слатки денови во Тетово“.
ас
