СВР Тетово информираше дека денеска се одржала заедничка работилница на тема „Улогата на жените во раното препознавање на криминалот и создавање на побезбедна заедница“. Полицајците имаа можност да дебатираат со претставници на повеќе институции и организации.
-На работилницата на која присуствуваа претставнички од тетовски социјални, образовни институции и установи и од локални невладини организации, по воведното излагање на претставникот на ОБСЕ, Алексеј Гавриш, за полициската соработка со локалната заедница се осврна инспекторот по превенција во СВР Тетово, Мернуш Ферати. Свое излагање на работилницата имаше и професорката на Универзитетот на Југоисточна Европа, Блерта Ахмеди, по што уследи планираната практична работа во групи. Притоа, и во првиот и во финалниот дел од работилницата посебно беше истакната улогата на жените во полициската соработка со локалната заедница, како исклучително значајна, но и за безбедноста и заштитата на семејството, а за што се презентираа и посебни заклучоци изготвени од секоја од групите, информираа од СВР Тетово.
Работилницата е во заедничка организација на Мисијата на ОБСЕ во Македонија и Министерството за внатрешни работи – Сектор за внатрешни работи Тетово
