Тетовската полиција информира за повеќе приведени лица, како и пријава за изчезната жена од тетовски Требош.
Вчера (24 април) околу 19 часот и 20 минути, полициски службеници на СВР Тетово ја лишиле од слобода 36-годишна жена која била пријавена од нејзината 64-годишна мајка дека во нивниот дом физички ја нападнала. Се расчистува и документира случајот.
Четириесет и двегодишниот Џ.С. од тетовски Требош, вчера (24 април) во 11 часот и 30 минути во СВР Тетово пријавил дека од дома се оддалечила неговата сопруга Х.С.(35). Се преземаат мерки за пронаоѓање на лицето.
Полициски службеници на СВР Тетово, вчера (24 април) околу 11 часот и 40 минути на локален пат во тетовски Пирок го лишиле од слобода 31-годишниот И.З. од ова село затоа што при негов и преглед на патничкото возило „опел корса“ со тетовски регистарски ознаки, кое го управувал, била пронајдена и одземена марихуана. Тој е задржан во Полициската станица Тетово и по расчистување и документирање на случајот ќе му биде изготвен соодветен поднесок.
Вчеравечер (24 април) околу 22 часот и 20 минути на улица „107“ во Тетово, полициски службеници на СВР Тетово лишиле од слобода малолетник од Тетово затоа што кај него била пронајдена и одземена марихуана. Се расчистува и документира случајот.
Полициски службеници на СВР Тетово, вчера (24 април) околу 12 часот на улица „Видое Смилевски-Бато“ во Тетово, со судска наредба, за издржување затворска казна го привеле 46-годишниот тетовец А.З, по што тој бил спроведен во Казнено-поправната установа Затвор Тетово.
