Тетовската полиција информира дека вчера бил повреден 63 годишен пешак откако во него удрило возило управувано од 22 годишник.
-На улица „Илинденска“ во Тетово, вчера (19 септември) околу 12 часот и 10 минути патничко моторно возило „фолксваген поло“ со тетовски регистарски ознаки, управувано од 22-годишник од Тетово удрило во 63-годишен пешак од тетовско Камењане. Во несреќата пешакот се здобил со тешки телесни повреди констатирани во тетовската Клиничка болница, информира портпаролот Марјан Јосифоски.
На местото на несреќата увид извршила екипа од Секторот за внатрешни работи Тетово.
