Превентивни активности на СВР Тетово со ловечките друштва
Во рамките на планираните превентивно-информативни активности, полициски службеници на Отсекот за превенција во СВР Тетово денеска ги посетија и остварија средби со раководствата и членовите на три ловечки друштва од тетовските села Брвеница , Теарце и Боговиње. На средбите организирани по повод традиционалниот официјален почеток на новата ловна сезона, на ловџиите посебно им беше обрнато внимание целосно да се придржуваат кон одредбите на Законот за ловство и Законот за оружје.
-Ловџиите поблиску беа запознати со законските импликации доколку не ја почитуваат соодветната законска регулатива и пред се доколку ловат без дозволи или на друг незаконски начин.Тие беа информирани и околу тоа – како безбедно да го чуваат ловечкото оружје и како и каде да ги пријават поединците кои не се регистрирани како ловџии, а кои со туѓо оружје и во неловни денови излегуваат да ловат, информира Марјан Јосифоски, портпарол на СВР Тетово.
Идниот викенд вакви средби ќе бидат организирани и со ловџиите од гостиварските друштва.
ас
