Денеска (8 јануари) околу 14 часот, во тетовско Долно Палчиште, полициски службеници на СВР Тетово ја лишиле од слобода 48-годишната Х У. од ова село и сопругот.
При прeтрес извршен во нејзиниот дом со судска наредба било пронајдено експлозивно средство (бомба кашикара) и 1000 евра, за кои постои сомнение дека потекнуваат од неодамна пријавената кражба во куќа во гостиварското село Форино.
Таа е задржана во Полициската станица Тетово за расчистување и документирање на случајот, по што ќе и бидат изготвени соодветни поднесоци, додека експлозивното средство е подигнато и транспортирано од Дирекцијата за заштита и спасување.
Од слобода е лишен и 52-годишниот сопруг поради сомнение за сторено кривично дело по член 396 од Кривичниот законик.
