СВР Тетово информираше дека вчера е приведен 25 годишник од градот кој бил пријавен дека оштетил инвентар во угостителски објект на улица „Маршал Тито“.
-Полициски службеници на СВР Тетово вчера (5 октомври) во 8 часот и 50 минути, на улица „Маршал Тито“ во Тетово, го лишиле од слобода 25-годишниот тетовец П.Д., кој претходно ја оштетил влезната врата и дел од инвентарот во угостителски објект на оваа улица. Тој е задржан во Полициската станица Тетово и по документирање на случајот ќе му биде изготвен поднесок, информираше СВР Тетово.
Од полицијата информираат дека ноќеска (6 октомври) триесетина минути по полноќ, во тетовската населба Дреновец, полициски службеници ги лишиле од слобода С.Л.(18) од тетовско Мерово и А.Л.(19) и 16-годишник од Тетово затоа што при нивен и преглед на паркирано патничкото возило „форд“ со тетовски регистарски ознаки, во кое се наоѓале, била пронајдена марихуана. Тројцата се задржани во Полициската станица Тетово за расчистување и документирање на случајот, по што ќе им бидат изготвени соодветни поднесоци.
Малолетник од тетовско Церово, вчера (5 октомври) во 15 часот и 30 минути во СВР Тетово пријавил дека околу 12 часот и 20 минути во двор на тетовско средно училиште во кое учел, тој и негов другар биле физички нападнати од пет лица, од кои едното ученик во истото училиште. Се преземаат мерки за расчистување и документирање на случајот.
