СВР Тетово информира за две приведувања во текот на вчерашниот ден. Жител на Тетово пријавил каснување од бездомно куче
Вчера (22 февруари) во 20 часот и 10 минути, полициски службеници на СВР Тетово го лишиле од слобода Т.М.(39) од тетовско село, кој претходно бил пријавен од неговата 37-годишна сопруга дека се однесувал агресивно кон неа и ја оштетил покуќнината во семејниот дом. Тој бил задржан во Полициската станица Тетово за расчистување и документирање на случајот и против него ќе следува поднесок.
Вчера 22 февруари околу 22 часот и 15 минути на улица „Иво Лола Рибар“ во Тетово го лишиле од слобода 20-годишниот тетовец Р.Н. затоа што кај него била пронајдена и одземена марихуана. По целосно документирање на случајот на Р.Н. ќе му биде изготвен поднесок.
Шеесет и тригодишниот тетовец Р.Р. вчера (22 февруари) во 13 часот и 25 минути во СВР Тетово пријавил дека на улица „Благоја Тоска“ во Тетово бил каснат од куче скитник.
