Полициски службеници од СВР Тетово вчеравечер (11мај) околу 23 часот и 10 минути, на крстосницата на улиците „Илинденска“ и „108“ во Тетово го лишиле од слобода 27-годишниот тетовец И.М, затоа што му бил пронајден и одземен кокаин. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Полициски службеници на СВР Тетово вчера (11 мај) околу 10 часот и 25 минути, на улица „29 Ноември“ во Тетово, го привеле 68-годишниот Р.А. од тетовско Бозовце кој се однесувал агресивно кон нив додека преземале службени дејствија и ќе му биде изготвен соодветен поднесок.
Четириесетгодишниот тетовец В.Б. вчера (11 мај) во 14 часот и 10 минути, на улица „Илинденска“ во Тетово, физички бил нападнат од две лица, а поради недоразбирања во сообраќајот. Во нападот, според пријавеното, едниот од нив користел и тврд предмет. Се расчистува и документира случајот.
