Затвореник од тетовско Одри по добиениот слободен викенд не се вратил во КПУ Затвор Идризово, па денеска е приведен од тетовските полицајци. Тетовските полицијци го нашле откако ноќеска извршил тешка кражба во селото Беловиште.
-Полициски службеници од СВР Тетово денеска (18 јануари) околу 10 часот и 30 минути го привеле 35-годишниот Р.А. од тетовско Одри за доиздржување затворска казна од 4 години и 11 месеци, откако претходно бил пуштен на викенд и не се вратил во КПУ Затвор “Идризово” во Скопје. Тој е спроведен во Казнено- поправната установа за доиздржување на казната, информира Марјан Јосифоски, портпарол на СВР Тетово.
Парите и лични предмети кои биле украдени во Беловиште биле најдени од полицајците и вратени на сопственикот.
