СВР Тетово информира за приведени малолетници кои се сомничат дека украле возило. Жител на Доброште ќе се соочи со пријава поради напад врз малолетник, информираше денес СВР Тетово.
Полициски службеници на СВР Тетово ноќеска (18 јули) околу 3 часот и 10 минути лишиле од слобода двајца малолетници, кои претходно биле пријавени дека извршиле кражба во патничко моторно возило „бмв“ со тетовски регистарски ознаки, а кое било паркирано на улица „Христо Антовски“ во Тетово. Одземеното било пронајдено и вратено на сопственикот Ф.Б.(32) од Тетово. По целосно документирање на случајот против инволвираните во кражбата ќе следува соодветен поднесок.
Полициски службеници на СВР Тетово вчера (17 јули) околу 16 часот и 30 минути, судска наредба, го привеле 34-годишниот тетовец З.Д. за издржување затворска казна во Казнено-поправната установа Затвор „Тетово во Тетово, каде набргу потоа и бил спроведен.
Вчеравечер (17 јули) во 20 часот и 20 минути во СВР Тетово повикан е К.К.(29) од тетовско Доброште, кој претходниот ден бил пријавен од малолетник од ова село дека на 15 јули годинава во паркот во селото физички го нападнал. Случајот целосно е расчистен и К.К. ќе се соочи со законски предвидениот поднесок.
