Од 19 до 23 часот вчера полицијата привела шест лица поради тоа што кај нив е најдена дрога, информира денеска СВР Тетово. Приведен е осомничен за кражба. Во билтенот на случувања се евидентирани и пријави за повреда поради каснување од куче-скитник, како и за физички напад.
-Полициски службеници на СВР Тетово, вчеравечер (12 март) околу 22 часот и 40 минути на улица „Тодор Циповски-Мерџан“ во Тетово ги лишиле од слобода Е.Т.(18) од тетовска Шипковица, Б.Б.(26), Е.Е.(24), Б.Е.(26) и Ф.Ф.(25), четворицата од Тетово, затоа што кај нив била пронајдена и одземена марихуана. Тие се задржани во Полициската станица Тетово и по целосно расчистување и документирање на случајот ќе бидат изготвени соодветни поднесоци.
Вчера (12 март) околу 19 часот и 30 минути на улица „Благоја Тоска“ во Тетово, полициски службеници на СВР Тетово го лишиле од слобода 20-годишниот Б.Ш. од тетовски Лешок затоа што кај него била пронајдена и одземена марихуана. По документирање на случајот Б.Ш. ќе се соочи со законски предвидениот поднесок.
Полициски службеници на СВР Тетово, вчера (12 март) околу 13 часот и 45 минути на улица „Александар Јовановски-Журчин“ во Тетово го лишиле од слобода 33-годишниот тетовец К.М. поради сомнение дека извршил кражба. Одземеното било пронајдено и вратено на сопственикот. По целосно документирање на случајот, против К.М. ќе следува соодветен поднесок
Вчера (12 март) во 16 часот и 50 минути Х.И.(43) од тетовска Голема Речица во СВР Тетово пријавил дека петнаесетина минути пред тоа на улица „Видоја Смилевски-Бато“ во Тетово бил физички нападнат од Б.Ш.(47) од Тетово. Се преземаат мерки за расчистување и документирање на случајот.
Вчера (12 март) во 17 часот и 40 минути, Ш.Ф.(48) од Тетово во СВР Тетово пријавил дека на улица „Кузман Јосифоски-Питу“ во Тетово бил каснат од куче скитник
