Полициски службеници на СВР Тетово во координација и содејство со Отсекот за прекуграничен криминал, миграции, странци и реадмисија Тетово и Државен трудов инспекторат вчеравечер (10/11 мај) од 23 часот и 35 минути до 1 часот и 25 минути спровеле акциска контрола во два угостителски објекти во тетовско Горно Седларце и тетовско Жеровјане. Во објектот во Горно Седларце, сопственост на А.А.(32) од тетовско Боговиње, биле затекнати Д.Р.(31) од Република Албанија и А.П.(38) од Белорусија, а во објекот во Жеровјане, сопственост на Х.А.(33) од Боговиње, 32-годишната К.В.С. од Русија. Трите странски државјанки се приведени поради сомнение дека го злоупотребиле туристичкиот престој, односно престојувале спротивно на целта, по што се задржани во Полициската станица Тетово за натамошна постапка и ќе им бидат изготвени законски предвидените поднесоци.
Триесет и двегодишниот тетовец Х.Љ. вчеравечер (10 мај) во 21 часот и 10 минути во СВР Тетово пријавил дека околу 20 часот Р.Љ., исто така, од Тетово најпрво му се заканил со остар предмет и со друг остар предмет му го оштетил неговото возило „фолксваген голф“ со тетовски регистарски ознаки, кое било паркирано на улица „Преспанска“ во Тетово. Се расчистува и документира случајот.
