СВР Тетово денеска ги соопшти овие случувања евидентирани од нивните служби.
Полициски службеници на СВР Тетово вчеравечер (20 февруари) околу 23 часот, во Блок 82 во Тетово, го лишиле од слобода тетовецот К.Р.(24) затоа што му била пронајдена и одземена марихуана. Тој е задржан во Полициската станица Тетово и по документирање на случајот ќе му биде изготвен соодветен поднесок.
Вчера (20 февруари) околу 17 часот и 30 минути, на улица „Борис Кидрич“ во Тетово, полициски службеници на СВР Тетово го лишиле од слобода 21-годишниот А.Б. од тетовско Теарце кај кого била пронајдена и одземена марихуана. По документирање на случајот против А.Б. ќе следува поднесок.
Полициски службеници на СВР Тетово вчеравечер (20 февруари) околу 23 часот и 30 минути, во тетовско Желино, го лишиле од слобода М.И.(24) од ова село, кој претходно бил пријавен од неговиот 19-годишен соселанец A.З. дека околу 18 часот физички го нападнал, внесувајќи го во неговото возило, а поради нивни претходни недоразбирања. Се расчистува и документира случајот.
Вчера (20 февруари) во 10 часот, во тетовско Желино, полициски службеници на СВР Тетово ја привеле 20-годишната Л.М. од Република Косово поради непријавен престој на подрачјето. Таа била задржана во Полициската станица Тетово, а потоа депортирана во нејзината матична земја.
Вчера (20 февруари) во 10 часот, А.Б.(46) од Тетово во СВР Тетово пријавил дека на 8 февруари годинава околу 21 часот и 30 минути во тетовско Доброште неговиот малолетен син, пред семејна куќа на нивен роднина, физички бил нападнат од неколку други малолетници. Се расчистува и документира случајот.
Полициски службеници на СВР Тетово вчера (20 февруари) во 7 часот над тетовско Боговиње го лишиле од слобода Л.З..(34) од тетовско Боговиње, кој еден час пред тоа бил пријавен од Џ.Џ.(28) од тетовско Ново Село два дека му се заканувал. Се расчистува случајот.
Триесет и двегодишниот М.А. од Тетово вчера (20 февруари) во СВР Тетово пријавил дека неговата малолетна ќерка на улица „180“ во Тетово била касната од куче скитник.
