Полициски службеници на СВР Тетово, вчера (7 март) околу 14 часот и 30 минути на улица „Илинденска“ во Тетово лишиле од слобода 17-годишник од Скопје затоа што кај него биле пронајдени и одземени марихуана и амфетамин. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Ноќеска (8 март) околу 3 часот и 30 минути на улица „Видое Смилевски-Бато“ во Тетово, полициски службеници на СВР Тетово го лишиле од слобода 47-годишниот тетовец М.П. Тој се сомничи дека од кругот на тетовска фабрика одзел повеќе производи, кои биле пронајдени и одземени од него. По целосно расчистување и документирање на случајот против него ќе следува соодветен поднесок.
