Националниот ансамбл за македонски народни игри и песни „Танец“ ќе одржи целовечерен концерт утре вечер 31 мај во Центарот за култура „Иљо Антески-Смок“ во Тетово од 20 часот. Концертот е дел од долгогодишниот проект „Танец низ татковината“ што претставува циклус концерти во центрите за културата низ државата.
– На концертот во Тетово, ќе биде изведена програма во која зад најголемиот дел од нумерите стои потписот на прерано починатиот првенец и долгогодишен раководител на оркестарот на НУ „Танец“, големиот композитор, аранжер и инструменталист, Милан Завков, изјави Бранка Костиќ-Марковиќ, уметнички раководител на ансамблот.
„Танец низ татковината“ се целовечерни концерти на целиот ансамбл кој го сочинуваат играорен кор, вокален ансамбл и оркестар. Сите изведуваат атрактивна играорна и вокално-инструментална програма од разни региони на кои се создавало македонското музичко-сценско фолклорно наследство.
Програма:
„Велигденско оро“
Автор на музиката: Милан Завков
Исполнува: Оркестар на Танец
Копачија (2001)
Кореографија: Стојче Каранфилов
Музичка обработка: Милан Завков
Исполнува: Играорен кор, оркестар и хор на Танец
Сплет песни од кореографијата „Сербез Донка“ (2009)
„Што ми е мерак сејмен да шетам низ Бузаана“
Музичка обработка: Милан Завков
Исполнува: Машка вокална група на Танец
„Ај, што убаво одат велешките моми“
Музичка обработка: Милан Завков
Исполнува: Мешана вокална група на Танец
„Се посврши сербез Донка“
Музичка обработка: Милан Завков
Исполнува: Мешана вокална група на Танец
Водарки
Кореографија: Блаже Палчевски и Димитар Митко Алексов
Музичка обработка: Ѓорѓи Димчевски
Копачка
Сценска адаптација: Стојче Захариев и Никола Арсов, 1949 и
Љупчо Маневски, 2005
Музички сплет од песни и ора
„Прошета се Јовка, кумановка“
Песна од кореографската постановка „Кумановка“(2013) од
Јовица Блажевски (кореографија) и Милан Завков (музичка обработка )
Исполнува: Сузана Спасовска
„Оро Крстачка“
Аранжман: Милан Завков
„Разигран танец“
Музика: Милан Завков
Радовишки собор (2019)
Кореографија: Јовица Блажевски
Музичка обработка: Дарко Илиевски
Песнопоен сплет
„Што си толку Лено гајлелија“
Аранжман: Милан Завков
Исполнува: Сузана Спасовска
„Отидов село Долнени“
Песна од кореографската постановка „Прилепски игри“(2002) од Стојче Каранфилов (кореографија), Бошко Тренески (вокална обработка) и Милан Завков (музичка обработка )
Исполнува: Машка вокална група на Танец
„Отишла Јана на нива“
Песна од кореографската постановка „Битолски игри“(2007) од Стојче Каранфилов (кореографија), Бошко Тренески (вокална обработка) и Милан Завков (музичка обработка )
Исполнува: Женска вокална група на Танец
„На столче седам, писмо пишувам“
Песна од кореографската постановка „Прилепски игри“(2002) од Стојче Каранфилов (кореографија), Бошко Тренески (вокална обработка) и Милан Завков (музичка обработка )
Исполнува: Мешана вокална група на Танец
На мегдан (2009)
Кореографија: Симеон Чулев
Музичка обработка: Милан Завков
Национален ансамбл за народни игри и песни „Танец“ е првиот професионален фолклорен ансамбл во Македонија, кој е формиранво 1949 година со цел да ги собира и негува македонските традиционални песни и игри, народните носии и инструменти, и преку соодветен уметнички израз, сценски да го поставува и претставува она што е највредно од богатата ризница на македонскиот народ.
„Танец“ чие име го симболизира македонскиот народен танц (оро) е амбасадор на македонската народна уметност и култура каде и да се појави – без разлика дали е на најоддалечените континенти или меѓу неговите сонародници и во странство и дома. Како конзерваторна уметноста и жив и подвижен музеј на нашето културно богатство.
