Со Новогодишен концерт КУД „Кирил Пејчиновиќ“ – Теарце во петок 23 декември ќе ги заврши настапите за 2022 година. Концертот што ќе се одржува во Центарот за култура „Иљо Антевски – Смок“ во Тетово ќе започе во 18 часот.
-Традиционалниот новогодишен концерт ќе почнат сите членови на Културно-уметничкото друштво со изведба на песната „Ни прела гора“. Потоа во текот на вечерта големата група при Друштвото ќе настапи со кореографските постановки Посеље, Роненка, Жетварка, Пијанец. Малата група со кореографиите Што имала ксмет Стамена, Беровка, Малешевска, Црногорка.Новогодишниот концерт ќе биде круна на 2022 година, за сите успеси и постигнувања кои ги остваривме дома, но и на меѓународни фолклорни фестивали каде што освоивме бројни награди и признанија, изјави Сашо Костадиновски, уметнички раковидител во Културно уметничкото друштво „Кирил Пејчиновиќ“.
Новогодишниот концерт ќе биде најава и за 10 годишниот јубилеј што КУД „Кирил Пејчиновиќ“ – Теарце ќе го одбележи во 2023.
-Наредната година бележиме една декада од возобновувањето на културно уметничкото друштво. Ќе има посебна свеченост и манифестација која ќе биде организирана во мај 2023 година. Моментално во КУД „Кирил Пејчиновиќ“ – Теарце членуваат над 80-тина млади љубители на фолклорот кои со љубов ја негуваат македонската фолклорна традиција, изјави Сашо Костадиновски, уметнички раковидител во Културно уметничкото друштво „Кирил Пејчиновиќ“.
Покрај домаќините играорците од КУД „Кирил Пејчиновиќ“ како гости ќе настапат и Трио „Кладенец“, Трио „Шербет“ и хор „Менада“
Билетите за Новогодишниот концерт се по цена од 100 денари и може да се набават во маркетот „Корзо“ во Тетово, а на денот на одржување 23 декември и на влезот на Центарот за култура.
ас
