Рушењето на последната куќа за пробивање на булеварот „Благоја Тоска“ во Тетово што беше закажано за 14 ноември, се направи денеска. Станува збор за објектот веднаш по мостот кај болницата, a беше пролонгирано рушењето поради недоразбирање околу експропријацијата.
-По постигнатиот договор, отстранета е и последната пречка за продолжување на работите на булеварот „Благоја Тоска“. Им благодарам на сите жители за разбирањето. Заедно ќе го градиме и развиваме градот, изјави градоначалникот Биљал Касами.
Во меѓувреме на 26 ноември почна асфалтирањето на продолжението од булеварот „Благоја Тоска“ но од крајната страна до каде што се планира пробивањето односно до текстилното училиште.
Според претставниците на општината во текот на 2023 ќе почне втората фаза на експропријација на продолжувањето на булеварот од текстилно училиште до објектот познат како Дамаск на крстосницата со улицата „Киро Ристевски-Дрнц“.
За да се продолжи булеварот градежни работи со рушење на објекти започнаа уште во јули 2021 година во време на претходното општинско раководство. За градежни работи општината доби средства од ткн. ТАВ програма,а за експропријација средства од Владата.
ас
