Општинската организација на СДСМ со реакција по објавата на Општина Тетово дека Владата го отфрлила барањето за обештетување од поплавите.
Класичен обид за манипулација на граѓаните од страна на локалната власт во обид да ја сокрие својата неспособност.
Имено во реакцијата објавена на официјалната фб страна на Општина Тетово, локалната власт се демантира односно демонтира самата себе.
Иако во реакцијата наведуваат дека Извештајот за процена на штетата настаната во поплавите во 2022 година е одбиен од страна на Комисијата за утврдување и процена на штета без никакво образложение притоа додавајќи класичен политички спин изгледа дека локалните власти заборавиле дека ја имаат објавено и Одлуката во која се наведува многу јасно и прецизно дека овој предмет е отфрлен поради некомплетна и несоодветно сработена документација од страна на Општинта.
Исто така Владата преку Комисијата за утврдување процена на штети и дава дополнителен рок на Општината да поднесе соодветна документација.
Локалните власти да излезат со одговор зошто Општината не е способна да изработи соодветен извештај наместо да ги залажува граѓаните за нивната неспособност и обид да се иземе од одговорност.
Дополнително потврда за тоа дека за нив граѓаните и градот се на последно место е и договорот кој Општина Тетово го склучила со приватна агенција на која ќе и исплати 32 илјади евра за ребрендирање односно ново лого на општината.
Само да потсетиме дека граѓаните не ги гласаа за вакво недомаќинско трошење на парите на граѓаните и нивна злоупотреба за лични хирови.
Трошење пари за билборди и логоа во ек на економска криза наместо решавање на горливиот проблем со кучињата скитници кои се секојдневна закана за граѓаните е апсурдно.
Општината велеше и дека нема финансии да ги снабди училиштата со греење па таа обврска ја презеде Владата што е уште една потврда за тоа кој сериозно се грижи за граѓаните а кој се служи со трикови за замајување на јавноста.
Конечно локалната власт нека се вразуми и крајно време е да почне сериозно да работи во интерес на граѓаните!