Ученичката Кристина Маркоска од седмо одделение во ОУ „Коста Рацин“ освои трето место на меѓународниот ликовен стрип конкурс во Ваљево, Србија. Таа наградата ја освои во категорија на учесници од 11 до 15 години.
-Мотивот за стрипот е хуманитарна работа и така името на стрип-приказната е „Донација која ја прави една девојка. Кристина е седмо одделение и талентирана ученичка во предметот ликовно образование, информираше нејзината менторка Лина Тренковска, ликовен педагог во училиштето.
На шестиот по ред меѓународниот ликовен стрип конкурс во Ваљево, Србија организиран од Дејан Богојевиќ и „Арт група АКТ” покрај ученици од земјата домаќин, учествувале основци и средношколци од Македонија, БиХ, Романија, Канада.
Изложбата била отворена вчера 2 јуни во Центарот за култура во Ваљево. Учесниците биле поделени во категории до 7 години, од 7 до 10, од 11 до 15 и од 16 до 18.
ас
