Музичко-сценската манифестација „И тетовските глумци поа“ по осми пат утре вечер ќе се одржи во Центарот за култура “Иљо Антески-Смок” во Тетово. Традиционалната манифестација која тетовските актери ја подготувуваат пред новогодишните празници годинава е насловена „Живот во филм и филм во живот“.
-Единаесет актери секој во свој „филм“, ќе изведат музички нумери кои се препознатливи како филмска музика од повеќе стари и нови македонски и екс-Ју филмови. Затоа е насловот „Живот во филм и филм во живот“- годинава е една симболика на санаториум од кој не може да се излезе 30 години, секој си е во свој филм, вели режисерот Саше Серафимовски.
Денеска се последните активности околу уредување на големата сцена „Миодраг Николиќ-Панта“ во Центарот за култура, каде утре вечер, петок 16 декември од 19 часот и 30 минути ќе започне манифестацијата.
-Се обидуваме од година на година се повеќе се инвестира, како визуелно така и квалитетно, во музика, скечови, светло,тон и слично. По осми пат се одржува, а за прв пат „ И тетовските глумци поат“како манифестација симболично е поддржана од Министерство за култура, изјави режисерот Саше Серафимовски.
Сценарист е Игор Бачовски. Актерите ќе бидат придружувани од десетчлениот состав на музичката група Дрим Тим.
ас
