Во саботата започна пролетниот дел од сезоната во Првата женска фудбалска лига на Македонија, а актуелниот првак тетовски ЖФК Љуботен ја совлада една од конкурентските екипи за врвот на табелата, ЖФК Тиверија од Струмица со 3-1. Головите ги постигнаа Гоја, Присцила и Марковска.
-Па исклучително важна победа на стартот на пролетниот дел особено ако се знае дека е остварена кај еден од најдобрите екипи во лигата која особено на домашен терен неколку сезони по ред не знае за пораз дотолку повеќе добива на тежина со оглед дека Љуботен го преброди едно од најтешките гостувања оваа пролет и ја зачува предноста од плус 3 во однос на Каменица Саса.Она што радува е дека екипата е во одлична форма а и борбеноста беше на ниво.Во периодот кој следи очекуваме дека победничката серија ќе продолжи и дека ќе донесеме односно ќе ја одбраниме шампионската титула, изјави шефот на стручниот штаб Ивица Радоњиќ.
Денеска, среда 1 март во рамки на четврфиналето на Куп на Македонија ЖФК Љуботен ја пречекува екипата на ЖФК Топ Гол. Натпреварот започнува во 12 часот,а ќе се игра на фудбалското игралиште на Спортскиот центар во Тетово.
ас
