Утре, на 25.09 во хотелот “Арена” со почетокот во 12 часот ќе се одржи првиот Шарланински Базар, прв од ваков тип на Шар Планина и воедно прв на досега највисока надморска висина.
Базарот ќе се одржи на терасата на Хотел Арена заедно со 10 учесници кои што креираат и творат во духот на одржливост и свест за зачувување на околината.
Во текот на денот за добрата атмосфера ќе се погрижат 4 македонски изведувачи. Дополнително, за сите љубители на адреналин и авантури ќе се реализираат две спортски активности.
Инспирирани од љубовта кон Шара, организаторите се надеваат дека ваквиот формат ќе прерасне во традиција.
