Директорот на Јавната установа Националнен парк Шар Планина Ибрахим Дехари донел одлука со која се забранува организирање на туристички активности – скијачки тури со ратрак на територија на националниот парк.
Според образложението во одлуката мерката се воспоставува заради спречување на оштетување или уништување на биолошката и пределска разновидност, деградација на почвата и губење на нејзината плодност, оштетување врз живеалиштата квалификувани во Планот за управувањето со Националниот парк Шар Планина.
Ратраците се идентификувани како едно од потенцијалните најголеми закани за заштитеното подрачје со оштетувањата кои ги прават машините во услови на недоволна снежна покривка. Во неколкуте контроли извршени на теренот на кој се организираат ваквите активнсоти евидентирана е потребата за регулирање на оваа дејност. Мерката ќе се воспоставува со цел да се обезбедат поволни услови за заштита и унапредување на природата се до моментот на спогодба за регулирање на меѓусебни права и обврски помеѓу вршители на дејноста и ЈУНП, образложува директорот Ибрахим Дехари во одлуката.
Оваа одлукасе однесува на неопределен временски период, со исклучок на временската инстанца од 20 до 25 март за терени на северната страна на кои имаа доволна снежна покривка за завршување на скијачката сезона.
ас
