На денешната шеста седница на Советот на Општина Тетово додека се расправаше за точките од дневниот ред кои се однесуваат за програми за работа и финансиски изештаи на јавното претријатие „Тетово Транспорт“ советниците побараа нови линии за јавен превоз на патници. Засега ова претријатие нуди три линии со четири автобуси.
-Ние како советничка група од СДСМ Тетово дадовме предлог до Советот на Општина Тетово да се отворат нови линии за превоз на граѓаните до село Фалише и до село Сараќино, изјави Наташа Петровска од СДСМ.
-При давањето извештај за работа на ЈП Тетово транспорт побарав три нови линии Тетово -Вејце, Тетово-Бозовце и Тетово-Фалише и обратно. Укажавме да се предвидат средства за мини-буси за овие населени места за граѓаните да можат да го користат јавниот превоз, изјави Фатон Сељами од Алтернатива.
-Сакам да реагирам на изјавата на советничката на СДСМ дека предлог за нови линии е нивни. Ние тоа го дадовме како наш предлог уште на состанок на Комисија за комунални дејности и тој предлог ќе биде влезен во Програмата за работа за 2023 година на „Тетово транспорт“. Нема да се воведе на секој саат да оди автобус таму но ќе има во одреден период од денот линии. Не може паушално вака да се даваат изјави, изјави Ангел Карапетров од ВМРО ДПМНЕ.
Претседателот на Советот Бесар Дурмиши образложи дека нови линии ќе може да има само доколку позитивен одговор даде физибилити студијата по ова прашање.
-Имаше барања и од мнозинство и од опозиција да се стават уште линии за јавен превоз бидејќи има само три линии. Јас како претседател на Советот предложив до Тетово транспрот предлозите што ги дадоа советниците им посочив да ги земат во предвид и за овој месец да направат физибилити студија и да дојдат наредниот месец или после новата година, во најкраток можен рок, да кажат дали тие барања може да се исполнат или не може. Причината да ја кажат дали е финансиска, дали е материјална, дали е поради немање возила ткн, изјави Дурмиши.
Советот донесе одлука со која се хармонизира законот за комунални дејности со ингеренциите на општинскиот инспекторат со која ќе може да се спроведува комунален ред и преземање соодветни мерки.
ас
