Во зградата на Општина Јегуновце ќе има советување како да се искористат можностите за финансирање на земјоделците преку ИПАРД програмата
Советодавен-информативен настан „Инвестирај во земјоделството“.
Општина Јегуновце ги покани жителите во среда 15 февруари во 19:00 часот во општинската зграда во Јегуновце на советодавен-информативен настан „Инвестирај во земјоделството“.
На овој настан заинтересираните ќе имаат можност да добијат информации и совети како да ги искористат можностите од ИПАРД III програмата. Ќе добијат одговори на повеќе прашања како што се како да се набави опрема и механизација, да се изгради објект за потребите на земјоделското стопанство, како да се инвестира во иновативни системи, како да се зголеми приносот на пченка, како да се изгради современа фарма и многу други теми.
