Советот на Општина Тетово на денешната 12-та седница ја изгласа завршната сметка на буџетот на општината за 2022 година. Со оваа одлука се избегна ситуацијата од минатата година кога немаше усвојување на завршна сметка до 31 март што беше една од причините Советот да биде распуштен и да има вонредни избори за советници подоцна во август 2022.
Во завршната сметка е наведено дека салдото на сите сметки на Буџетот на Општина Тетово на 31.12.2022 година изнесува 43.836.278 денари што претставува збир суфицитот од тековната 2022 година 2.414.561 денари и од пренесениот вишок на приходи од претходната 2021 година 46.250.839 денари. Дефицитетот е 30.716.861 денари.
-Минатата година имаше проблеми со мнозинството, не ја гласаа завршната сметка. Оваа година и и опозицијата гласаше за, изјави Бесар Дурмиши, претседател на Советот.
-Минатата година не помина завршната сметка затоа што немаше мнозинство не се донесе завршната сметка и согласно законот се распишааа новите избори.Денеска завршната сметка помина со 29 гласа никој не беше против, ни воздржани гласачи, изјави Ангел Карапетров, координатор на советничката група на ВМРО ДПМНЕ.
За состојбата на завршната сметка односно големиот дефицит, поради долговите, од мнозинството во советот сметаат ека во текот на оваа година веќе се има намалување на долговите.
-Веќе објавивме дека милионските долгови на општината се намалени за еден милион евра, изјави Дурмиши.
-Јавните претријатија ги наследивме со долгови од 28 милиони евра. Претходно знаеме дека државата им ги покри половина од долговите на Општина Тетово, но недомаќински работеа СДСМ и ДУИ и направија нови долгови. ЈКП имаше долг од 12 милиони евра. Зголемен е приходот во ЈКП, намален е бројот на вработени и порентабилно работи. Сега во моментов претријатието за паркинзи работи рентабилно, зголемена е наплатата во ЈКП, се подели на три претријатија и се надевам дека со домаќинско работење и тоа ЈП ќе работи рентабилно и ќе се собираат повеќе приходи и долговите ќе се намалуваат, изјави Карапетров.
Според завршната сметка вкупниот износ на планираните приходи за 2022 година биле 1.687.975.119 денари, додека реализирани се 1.495.618. 341 денари. Кај расходите планирани се 1.733.312.527 денари додека реализирани се 1.526.335.202 денари.
ас