„Современи музи“ e насловена изложбата која вечерва свечено беше отворена во организацијата на Здружението на ликовни уметници на град Тетово и Центарот за култура „Иљо Антески Смок“. Повод за оваа изложба е утрешниот Меѓународен ден на жената 8 Март.
-Во своите дела, овие Современи музи, преку примена на бои, линии, текстура, форма и градење на композициски целини, полека навлегуваат во внатрешниот свет на таа духовност, тука каде што се кријат милион желби и аспирации, тука каде што изгрева сонцето, тука каде што исчезнува гневот и хармонијата триумфира. Сето тоа е изградено преку комбинираниот визуелно-естетски јазик, но артикулиран пред се преку лирската, геометриската апстракција, а особено преку концептуалната игра која без разлика на употребените материјали и техники, реализациите на делата даваат значење на идејата, истакна во пригодниот говор Арбенита Мета претседателка на Здружението на ликовни уметници на град Тетово.
Со свои дела се претставени 24 членови на здружението со 24 уметнички дела создадени од областа на сликарството, графика и дигиталната фотографија.
ас
