Во деновите од викендот тетовските полициски службеници имале средби со одговорните луѓе во 21 угостителски објект, како хотели и мотели, со цел да ги запознаат со Законот за странци и деловите за пријавување на престојот на тие луѓе во нашата држава. Опфатени биле објекти лоцирани на тетовско-гостиварското подрачје.
-Во рамките на овие средби чиј носител е Отсекот за превенција, полициските службеници поблиску ги запознале угостителите со одредбите на Законот за странци и со неопходноста од нивно целосно и доследно почитување, пред се кога станува збор за пријавување и одјавување на странски државјани и регулирање на нивниот престој на подрачјето. Тие, исто така, биле информирани и за законските импликации доколку не се придржуваат на важечките одредби. Угостителите искажале целосна подготвеност на имплементација на законските одредби и во иднина, информираше Марјан Јосифоски, портпарол на СВР Тетово.
Според информацијата од СВР Тетово минатата недела вакви средби со претставници на високообразовни институции и спортски клубови во кои се образуваат или за кои настапуваат странци беа организирани во Гостивар.
ас
фотографии на СВР Тетово
