СВР Тетово информира за случувањата кои се евидентирани од нивните служби.
Седумнаесетгодишник од тетовска Мала Речица, вчера (17 мај) во 15 часот и 50 минути во СВР Тетово пријавил дека околу 11 часот и 30 минути, на паркинг пред тетовско средно училиште физички бил нападнат од четири лица, ученици во друго средно училиште во Тетово, кои ги познавал. Во нападот, според пријавеното, едниот од нив користел и дрвен предмет. Се преземаат мерки за расчистување и документирање на случајот.
Полициски службеници на СВР Тетово, вчеравечер (17 мај) околу 23 часот и 50 минути извршиле службен разговор со 22-годишниот Н.А. од тетовска Голема Речица, кој бил пријавен од 21-годишна тетовка, со која претходно бил во врска, дека физички ја нападнал. Тој бил задржан во Полициската станица Тетово и по целосно расчистување и документирање на случајот против него ќе биде поднесена соодветна пријава.
Вчера (17 мај) на пат за тетовско Селце, во месноста „Кабаш“, полициски службеници на СВР Тетово ги лишиле од слобода В.К.(36) и Ш.Д.(31) од ова село, кои во возило „фолксваген голф“ со тетовски регистарски ознаки пренесувале огревно дрво без потребните документи. Извршен е увид, двајцата се задржани во Полициската станица Тетово, а возилото и дрвата им се одземени и ќе и бидат предадени на Шумска полиција. По целосно документирање на случајот ќе следуваат поднесоци.
Полициски службеници на СВР Тетово вчера (17 мај) во 15 часот го лишиле од слобода К.Н.(37) од тетовско село, кој непосредно пред тоа бил пријавен од неговата 30-годишна сопруга дека физички ја нападнал. Тој е задржан во Полициската станица Тетово и по документирање на случајот ќе му биде изготвен поднесок.
