Улиците со калдрма во стариот дел од Тетово ќе останат во катастрофална состојба поради судирот на општината и полицијата. Додека двете страни се убедуваат кој е во право жителите останува да се мачат со движењето по дупките.
-Патот е 20 години веќе со дупки, хаос, не можеш да поминеш ни со возило, ни дете во училиште, така да не е подносливо.
-Инвестицијата не кошта многу, треба само да се истампонира улицата и да се прередат коцките да нема дупки.Колете ги искршивмо значи, треба да се среди.
-Ова е најзапуштено место, а го користат многу луѓе, порачаа жителите на Два бреста.
Прередувањето на калдрмата кое беше започнато неделава, истито ден беше прекинато од полицајци. Тие барале од фирмата изведувач да ја прекине работата и да ја врати првобитната состојба, со образложение дека ги немале соодветените документи кога станува збор за одвивање на сообраќај.
-Полициските службеници на СВР Тетово на лице место утврдиле дека градежните работи се изведуваат без потребната документација и согласност од МВР односно СВР Тетово и без поставена адекватна сообраќајна сигнализација, предвидена за таков вид зафати, изјави Марјан Јосифоски, портпарол на СВР Тетово.
Градоначалникот Касами вели дека со ова полицијата му прави добра реклама, оти се работи на сите улици низ градот.
-Полицијата има направено записник каде што тврди дека работите не се во согласно одобрението на полицијата а ние не знаеме која е таа неусогласеност со одобрението. Значи фирмата има договор со општината за реконструкција на улици и полнење на дупки. Има пуштено до полицијата информација дека во овој период согласно договорот ќе работи на сите улици во Тетово, изјави Биљал Касами.
Согласноста за работење од СВР Тетово според Општина Тетово е добиена уште од јуни.
