Соопштение на СВР Тетово за настани евидентирани вчера 1 ноември
Вчеравечер (1 ноември) во 21 часот и 50 минути во СВР Тетово е пријавено дека во тетовската Kлиничка болница била донесена малолетничка од тетовско село со повреди од остар предмет и со други повреди по телото. По преземени мерки било утврдено дека повредите и ги нанела нејзината повозрасна сестра, исто така малолетничка, по нивна претходна расправија и физичка пресметка. По целосно расчистување и документирање на случајот ќе биде поднесена соодветна пријава.
Вчеравечер (1 ноември) околу 23 часот и 30 минути на локален пат Пирок – Раковец, тетовско, полициски службеници на СВР Тетово го лишиле од слобода 28-годишниот Б.Р. од Пирок. При негов и преглед на патничко моторно возило „мицубиши“ со хрватски национални ознаки, кое го управувал, била пронајдена и одземена марихуана. По целосно документирање на случајот против него ќе следува соодветен поднесок.
Дваесет и тригодишниот Х.А. од тетовска Брвеница вчера (1 ноември) пријавил дека во спортска обложувалница на улица „Илинденска“ во Тетово, во која работел, околу 4 часот и 30 минути влегло едно лице, уплатило тикет и му платило со банкнота од 50 евра, за која подоцна утврдил дека е фалсификувана. Се расчистува и документира случајот
