Вчера (2 март) околу 14 часот на улица „188“ во Тетово, полициски службеници на СВР Тетово го лишиле од слобода 45-годишниот Х.К. од тетовска Мала Речица затоа што при претрес извршен во неговото возило „порше“ со тетовски регистарски ознаки бил пронајден и одземен кокаин. Тој е задржан во Полициската станица Тетово и по целосно документирање на случајот ќе му биде изготвен соодветен поднесок.
Полициски службеници на СВР Тетово, вчера (2 март) околу 14 часот на улица „168“ во Тетово го лишиле од слобода 46-годишниот И.А. од тетовска Мала Речица, затоа што физички нападнал полициски службеник кој извршувал службени дејствија. И.А. е задржан во Полициската станица Тетово за натамошна постапка и против него ќе следува поднесок.
