Полициски службеници на СВР Тетово вчеравечер и ноќеска(3/4 септември) од 22 до 04 часот спровеле акциска контрола – дали и колку од возачите управуваат под дејство на алкохол. Во контролата биле откриени и законски санкционирани 16 возачи-прекршители (ТЕ-9 и ГВ-7), од кои кај 1(ТЕ) утврдено е присуство на алкохол во крвта до 2 промили, а 1(ТЕ) одбил да се алкотестира.
Сите возачи-прекршители исклучени се од сообраќај, времено им се одземени возачките дозволи и изготвени им се соодветни поднесоци.Покрај ова, санкционирани се и 20 други видови сообраќајни прекршоци ((ТЕ-12 и ГВ-8).
Секторот за внатрешни работи повторно апелира до возачите да не седнуваат зад волан под дејство на алкохол, зашто ќе ја доведат во ризик сопствената и безбедноста на другите учесници во сообраќајот, да не возат пребрзо и целосно да ги почитуваат важечките сообраќајни правила и прописи на патиштата и улиците во регионот и пошироко.
