Полициски службеници на СВР Тетово вчера (21 септември) од 7 до 12 часот на поширокото полошко подрачје спроведоа акциска контрола на товарни возила, во која вкупно биле откриени и законски санкционирани 8 технички неисправни возила (ТЕ-3 и ГВ-5), информира СВР Тетово.
Седум од возилата имале неисправни сопирачки (ТЕ-3 и ГВ-4) и 1 (ГВ) неисправни светлосни уреди. Покрај ова, биле санкционирани и 6 (ТЕ) недостатоци кои се однесувале на товарот на возилата, како и 2 (ТЕ) други видови сообраќајни прекршоци. На сите прекршители изготвени им се соодветни поднесоци.
Вчеравечер (21/22 септември) од 20 до 1 часот на ова подрачје спроведена е и контрола на возачите кои управуваат возила под дејство на алкохол. Притоа откриени и санкционирани се 4 возачи (ТЕ-2 и ГВ-2) кои управувале под дејство на алкохол, кои веднаш биле исклучени од сообраќај и на кои времено им се одземени возачките дозволи. Во овие активности санкционирани се и 9 други видови сообраќајни прекршоци (ТЕ-6 и ГВ-3), кои биле заокружени со адекватни поднесоци.
Вчера од 10 до 16 часот спроведена е контрола и на пешаците, во рамките на која биле откриени и санкционирани вкупно 44 прекршоци (ТЕ-19 и ГВ-25). Најголемиот број од прекршоците (40) се однесувале на преминување на улиците надвор од обележан пешачки премин (ТЕ-15 и ГВ-25), а 4 (ТЕ) на непочитување на светлосна сигнализација. Санкционирани, исто така, биле и 14 други видови прекршоци (ТЕ-11 и ГВ-3).
