СВР Тетово со кривична пријава за жител на Брвеница поради даночно затајување

СВР Тетово поднесе кривична пријава против 57 годишник од Брвеница, тетовско, поради постоење основи на сомнение за сторено кривично дело „даночно затајување“. Во текот на 2019 година, пријавениот преку брз трансфер на пари и преку неговите трансакциски сметки во повеќе банки во државата се стекнал со прилив во вкупен износ од 4.686.077 денари, за кои не поднел задолжителна годишна даночна пријава во Управата за јавни приходи согласно член 52 став 2 од Законот за даночна постапка, со што не ја подмирил даночната обврска од 10% на наведената сума, предвидена во член 12 од Законот за персонален данок на доход. Со ваквите дејствија пријавениот извршил затајување на данок за 2019 година во вкупен износ од 468.607 денари, информира МВР.