Секторот за внатрешни работи Тетово информира дека Полициска станица за безбедност на патниот сообраќај Тетово овој месец значително ги засили активностите за воспоставување поголем ред и безбедност со паркирањето во градот. Само вчера (19 септември) биле санкционирани и од тетовската „пајак-служба“ вкупно биле подигнати 28 непрописно паркирани возила или досега во септември 266 возила.
-Ваквите активности со несмален интнзитет ќе продолжат и во наредниот период, со напомена дека на сите погрешно паркирани возачи им се изготвуваат и законски предвидените поднесоци, а глобите за овој вид сообраќаен прекршок, да потсетиме уште еднаш, се движат од 45 до 180 евра во денарска противвредност.Целта е да се обезбеди непречено и безбедно движење на сите учесници во сообраќајот во градот и особено околу училиштата и другите јавни институции и установи, информираат од СВР Тетово.
Најголемиот број од санкционираните возила биле во централното градско подрачје, на улиците „Илинденска“, „Маршал Тито“, „ ЈНА“, „Јане Сандански“ и други. Претежно станува збор за возила оставени во таканаречени „двојни редови“, во зона на крстосници, на тротоари, во зеленило или на други недозволени места.
